गजल

गजल

बदलामा हुन्न माया नाफाघाटामा गरिन्न
हाटबजारको किनबेच जस्तो बाटाघाटामा गरिन्न

समयले पुर्छ घाऊ प्रेमको मल्हम लगाइ
हिसाब फेरी पुराना घाउखाटामा गरिन्न

हृदयको प्रेमगंगा शान्त सौम्य जो बहन्छ
लेनदेन त्यो क्षणभरको ज्वारभाटामा गरिन्न

जब छुन्छ मनले मनलाई आँखाबाटै माया बग्छ
त्यसको परख कल्पनाको मनपाटामा गरिन्न

च्यातिएको मन बरु जोडीदिन्छ पिरतीले
समर्पणका मिठाकुरा धाँजाफाटामा गरिन्न
****
दीप्स शाह, इजरायल
deepssanu@gmail.com