ओ! यादहरु हो!!

Tuesday, February 15, 2011 at 8:03pm
ओ! यादहरु हो!
आओ! छातीको छेउ दु:खाएर जाओ!
भो सक्दिन सुक्न अझै अरु
यि सुष्क परेली भिजाएर जाओ।

छोडिएको समयको डोब
घाऊहरुमा कैद रहन्छ
पलपलको चहर्याइमा
'हिजो'संधै ताजा बन्छ
दुख्नुमै जीवन मिठो छ!!!

ओ!यादहरु हो!
आओ!एक मिठो घाऊ दिएर जाओ!
यि सुष्क परेली भिजाएर जाओ!
ओ!यादहरु हो!

लोलाएका आँखाभित्र
टोलाएको कल्पना हुन्छ
अनिदो रातहरुमा
उस्तै अब्यक्त कष्ट हुन्छ
अनिदो कष्टमै रातको एकान्त मिठो छ!!!

ओ! यादहरु हो!
आओ! हररातको निन्द्रा बिथोलेर जाओ!
यि सुष्क परेली भिजाएर जाओ!
ओ! यादहरु हो!