बाढीको कामना

बाढीको कामना /

निरव आकाश मुनी
चिसो जून ओढेर
निष्प्राण बगरको छातीमा
म कामना गर्छु
एउटा बेगबान बाढीको!!

बाढी??!!
प्रलय!
बिपत्ती!
अनिष्ट!
ध्वंश!
बर्बादी!

यि तमाम अर्थ भन्दा भिन्नै बाढी,
सबैले जानेको अर्थ भन्दा अर्कै बाढी,
म चाहन्छु त्यस्तो बाढी
ओ बाढी!!
आउ तिमी !!
आदिम गल्छेडो छोडेर
नयाँ मार्ग हुँदै आउ!
यि निष्प्राण बगर ढाक्ने
मलिलो माटो बोकेर आउ!
बगोस तिमी सँगै यि अर्थहिन सुर्काहरु
फराकिला पाटा लिएर आउ!
यि बेकामे काँसे घारी बगाउन आउ!
यि चिप्ला काला लेउ बगाउन आउ!
आउ बाढी तिमी आउ!
नत्र यो निर्जन बगर
कहिले उर्बर होस्
यो आत्माहिन ढुङ्गामा
कहिले समबेदना पलाओस
यो जर्कटो गेग्र्यानमा
म कहाँ सम्भावनाको फूल रोपुँ!
तिमी आउनैपर्छ
सभ्यताको चिहानघारी सुकिलो पार्न ,,

तब म चेतनाको कलमी बिरुवा रोपुँ
तिमीले छोडेको माटोमा,
बाढी! मेरो यो तिमीलाई निमन्त्रणा !!
स्विकार मेरो निमन्त्रणा!!
पुरा गर मेरो कामना!!!!!
*****