जीवन पाहुना

जीवन पाहुना


चिसो रात मा अन्धकार् को खास्टो भित्र ,
आफ्नै तातो खोज्ने हरु ,
नाक खुम्च्याउछन
स्वार्थ को हाट बजार मा
कपट को मण्डी ब्यापारी को हाउभाउ देखी ..

भोको पेट मा अभाव को भान्छा भित्र ,
सन्तोष को जाउलो पकाउने हरु
मौन रहन्छन
अहन्कार को थाली मा
सुन को भाग पस्किने को स्वाठ देखी ..

जीवन पाहुना ,अनिस्चित उकाली ओराली
हिंडेर सकिन्न ,हिंड्ने सकिन्छ
तह तह को आ आफ्नै बगाल मा
मान्छे बाडिएको छ
पुग्ने ठाउँ एउटै हो बाटो जहाँ हिंडे पनि
सुन ,कपट ,,चिसो रात ,,
जे देखे पनि ,,,जे भोगे पनि ,,,।।।