//उस्तै उस्तै लाग्छ //

//उस्तै उस्तै लाग्छ //


रामापिथेकस अंकल
आदिमतामा रौं ले ढाकिएर हिंड्थे,
म ,,
आधुनिकतामा सभ्यताको
एक्सरो टेरिलिन बेरेर हिंड्दैछु
उस्तै उस्तै लाग्छ ...,

देख्दैछु जीबहरुमा
जडत्व बढ्दैछ
खोइ किन किन
एकपटक फेरि
मिश्र र मेसोपोटामिया
उधिन्न मन् लाग्छ,
हेर्दैछु सभ्यहरुको भिड्मा
सभ्यता हराउंदैछ
खोइ किन किन
एकपटक फेरि
नाइल नदीको किनारैकिनार
डुल्न मन् लाग्छ...,

बनाउने 'एक्लै' सुसेल्छ
बिगार्ने 'जमात' चिच्याउंछ
कतै ..
पिरामिड र ग्रेटवाल
नभत्कियोस ..!
समयले बांकटे हान्यो
चेतना सुतिरहेछ,
दृष्य छ दृष्टि छैन
छाम्छुम गर्दैछु
'हिजो'र'आज'केही त फरक छैन
उस्तै उस्तै लाग्छ ।।।